6 маусым күні Атырау қаласында «ҚазМұнайГаз» ҰК АҚ «АТЫРАУ ЭКОЛОГИЯ ДИАЛОГЫ: ЭКОЛОГИЯ ЖӘНЕ ӨНЕРКӘСІП. ҚОҒАМ ИГІЛІГІ ЖОЛЫНДАҒЫ СЕРІКТЕСТІК» конференциясын ұйымдастырады.
Конференция «ҚазМұнайГаз» ҰК АҚ Атырау облысындағы өндірістік компаниялары – «Kazakhstan Petrochemical Industries Inc.» ЖШС, «Атырау мұнай өңдеу зауыты» ЖШС, «Ембімұнайгаз» АҚ-ның экология саласындағы қызметін талқылау алаңына айналады. Кәсіпорын басшылары қоршаған ортаға әсерді азайту бойынша жүргізіліп жатқан жұмыс туралы баяндайды.
Конференция барысында аймақта күн тәртібінде тұрған экологиялық мәселелер, компаниялардың полимерлер мен мұнай өнімдерін өндіруде өнеркәсіптік экология саласындағы тәжірибесі, сондай-ақ жұртшылық, мемлекеттік органдар мен өнеркәсіп өкілдерінің өзара іс-қимылы мәселелері қарастырылады.
Конференцияға мемлекеттік органдар, Атырау облысының әкімдігі, депутаттар, ғылыми институт, қоғам мен БАҚ өкілдері қатысады.
Өтетін орны: Н.Балғымбаев атындағы даму және коммуникациялар орталығы, Атырау қ.
Уақыты: 6 маусым 2023 жыл.
Басталуы: нақтыланады.
БАҚ өкілдерін аккредиттеу үшін толық аты-жөніңізді, байланыс нөмірлері мен БАҚ құралының атауын 5 маусымға дейін i.satylganova@emg.kmgep.kzg (87014005141) amirova@emg.kmgep.kz (87026300650) электронды адресіне жіберуіңізді сұраймыз.
